Patrice Motsepe Kulitambulisha Kombe La Mabingwa Michuano Ya African Football L .
Dar es Salaam: Rais wa shirikisho la soka barani Africa, Patrice Motsepe rasmi amelitambulisha kombe la mabingwa michuano ya African Football League jijini Dar es Salaam.
Aidha michuano hiyo inatarajia kuanza siku ya leo October 20, 2023 na kumalizika mnamo November 11, 2023. Timu ya soka ya Simba SC inatarajia kushuka dimbani Benjamin William Mkapa Stadium Jijini Dar es Salaam katika mechi ya ufunguzi.
Hofu na wasiwasi wa shabiki wa timu ya wekundu wa msimbazi Simba SC bado umetanda kufuatia timu yao kuwa na kiwango kibovu katika michezo kadhaa iliyopita. Aidha mchezo wa leo utashuhudiwa na viongozi mbalimbali wa soka duniani, barani Africa na Tanzania.
Tayari idadi kubwa ya mashabiki wa mchezo wa soka wamejitokeza uwanja wa mkapa kushudia kile kinachoenda kutokea muda mfupi kutoka sasa.
