Wakazi Mabondeni Dar es Salaam Kukiona Msimu Huu

Wakazi Mabondeni Dar es Salaam Kukiona Msimu Huu Wa Mvua Nyingi . 

Dar es salaam: Mvua zinazoendelea kunyesha sehemu mbalimbali nchini ikiwemo jijini Dar es Salaam zimeendelea kuleta kero haswa kwa wakazi wanaoishi maeneo ya bondeni. 

Maji yanayotiririka kwa kasi yanazidi kuingia ndani ya nyumba za wakazi wa maeneo ya mabondeni na kusababisha wakazi wa maeneo hayo kukesha usiku kucha wakichota maji kumwaga nje.  

Kutoka Keko machungwa reporter wa  Modealer Online TV anaripoti tukio la maji kuvamia makazi ya wakazi wa moja ya mtaa keko machungwa. Wakazi wengi wanaendelea kuwalaumu madalali kwa kuwapeleka katika vyumba ambavyo msimu wa mvua hugeuka kuwa karaha kwao.

Katika tukio jingine la kero ndogondogo zinazosababishwa na mvua zinazoendelea kunyesha jijini Dar es Salaam ni ongezeko kubwa la foleni za barabarani ikiwemo ongezeko la foleni karibu gerezani Dar es Salaam. Tazama picha za tukio hapo chini.

Maji yameendelea kutuwama katika eneo hili na kuendelea kuleta kero kwa watembea kwa mguu , pikipiki na hata magari . Aidha watu wanashauriwa kuzingatia usalama wao binafsi kwa kuepuka kuvuka maji yanayoenda kwa kasi na kuhama katika maeneo ya mabondeni.