Paul Kagame Amteua Patrick Nyamvumba Kuwa Balozi Wa Rwanda Nchini Tanzania.
Kigali Rwanda: Rais wa serikali ya Rwanda Paul Kagame amemteua General Patrick Nyamvumba kuwa balozi wa nchi ya Rwanda nchini Tanzania . Aidha jenerali Patrick Nyamvumba amewahi kuwa mkuu wa majeshi ya ulinzi na usalama nchini Rwanda, Kamanda mkuu wa kikosi cha umoja wa AU na UN Sudan Darfur.
Biography ya jenerali Patrick Nyamvumba inathibitisha kuwa ni mhitimu wa chuo cha kijeshi cha nchini Nigeria, pia amewahi kuwa kamanda wa vikosi vya ardhini, mkuu wa chuo cha kijeshi na pia Rais wa mahakama ya kijeshi nchini Rwanda .
Aidha kwa upande mwingine Patrick Nyamvumba kwa nyakati tofauti tofauti amewahi kuwa mkuu wa operesheni, mipango, mafunzo na logistics kwenye jeshi la nchini mwake. Baadae kuteuliwa waziri wa usalama wa ndani nchini Rwanda, na hapo alidumu kwa muda mfupi mpaka hapo baadae aliposimamishwa na Rais Kagame .
Na huyo ndio Jenerali Patrick Nyamvumba.
