Kero Ya Mvua Kubwa Jijini Dar es Salaam .
Habari: Mvua kubwa zinazoendelea kunyesha katika maeneo mbalimbali nchini imegeuka kuwa kero kwa wakazi wa jiji la Dar es Salaam kufuatia athari hasi zinazoendelea kujitokeza.
Aidha mvua hizo zimeendelea kusababisha mafuriko ya maji katika makazi ya watu , barabarani na hata kusababisha foleni. Inaripotiwa kuwa barabara kadhaa ndani ya jiji la Dar es Salaam msongamano umezidi baada ya maji kuingia katika eneo la barabara.
Bado mvua hizo zinazoendelea kunyesha zinaendelea kuongeza wasiwasi kwa wakazi wa maeneo ya mabondeni, wamachinga na watembea kwa miguu. Aidha watu wote wanapaswa kuendelea kuchukua tahadhari.
