Rais Samia Suluhu Hassan Atangaza Kifo Cha Ali Hassan Mwinyi Leo 29 ,Feb 2024 .
Tanzania: Rais wa Jamhuri ya muungano wa Tanzania Mhe Samia Suluhu Hassan leo 29 February 2024 ametangaza taarifa za kifo cha aliyewahi kuwa Rais wa awamu ya pili Jamhuri ya muungano wa Tanzania Ali Hassan Mwinyi.
Taarifa za kifo cha mstaafu Ali Hassan Mwinyi kama zilivyotangazwa na Mhe Samia Suluhu Hassan zinaeleza kuwa mzee Ali Hassan Mwinyi amefariki leo majira ya saa kumi na moja jioni hospital ya mzena jijini Dar es Salaam alipokuwa akipatiwa matibabu ya maradhi ya saratani ya mapafu.
Aidha Rais Samia Suluhu Hassan amesema kuwa bendera ya Tanzania itapepea nusu mlingoti kuanzia kesho march moja, hata hivyo mazishi yatafanyika visiwani Unguja mnamo tarehe mbili march 2024. Mstaafu Ali Hassan Mwinyi amefariki dunia akiwa na umri wa miaka 98 . Aidha Mwinyi atakumbukwa sana kwa uongozi wake uliompa heshima kubwa katika jamii .
